fbpx

ҚХП депутаттары өңірлерге аттанды Бейсенбі, 12 Мамыр 2022 13:09

Халықпен кездесу – халық қалаулылары жұмысының маңызды бөлігі. Тек осылай ғана халықтың қалай өмір сүретінін, азаматтардың  мемлекеттен не күтетінін және жаңа Қазақстан құру үшін не қажет екенін білуге болады.

Парламентшілердің осы жолғы сапары ерекше маңызға ие. Себебі қазір Конституцияға түзету енгізу бойынша 5-маусымға жоспарланған референдум аса өзекті болып тұр. 

Президент Қасым-Жомарт Тоқаевтың бастамасымен қолға алынған өзгерістер билік институттарын қалыптастыру мен олардың өзара іс-қимылының сапалы жаңа моделін құруға және халықтың шешім қабылдауға қатысуын кеңейтуге бағытталған. Бұл ретте Қазақстан Халық партиясының депутаттары ел азаматтарымен референдум бойынша тілдесіп, ой бөлісуге ниеттеніп отырғанын атап өтуіміз керек.

– Менің ойымша, референдум өткізу туралы шешім Мемлекет басшысы жариялаған саяси реформалардың кулуарлық немесе конъюнктуралық сипатқа ие емес екенін көрсетеді, – деді ҚХП парламенттік фракциясының жетекшісі, Мәжіліс депутаты Айқын Қоңыров. – Саяси реформа нақты нәтиже мен тиімділікке бағытталған.

Оның айтуынша, біздің ел қуатты Парламенті, есеп беретін Үкіметі және пәрменді азаматтық қоғамы бар мемлекет болу керек.

– Қазақстан Халық партиясы бұл үдерісте әлеуметтік әділдіктің өлшемі мен әлеуметтік дамудың жаңа моделіне орын табуға бар күшін салады, – деп мәлімдеді «Қазақстан Халық партиясы» фракциясының депутаттары.

ҚХП баспасөз қызметі

Соңғы материалдар

© 2022 Қазақстан Халық партиясы. Барлық құқықтар қорғалған.

HELIX_NO_MODULE_OFFCANVAS