fbpx

Депутаттар халық көкейіндегі мәселені қозғауда Сейсенбі, 23 Ақпан 2021 08:29

ҚХП Атырау облыстық комитетінің активі «Партия дауысы» акциясын ұйымдастырды. Шара аясында «Қазақстан Халық партиясы» парламенттік фракциясының соңғы жарияланған депутаттық сауалдары таратылып, түсіндірілді.

Депутат Айқын Қоңыров «Әлеуметтік бірлік пен азаматтардың әл-ауқаты» туралы ұлттық жобаны әзірлеу қажеттігін жеткізді. Аталған депутаттық сауал қала тұрғындарының арасында үлкен резонанс тудырды. Жоба кедейлікті нақты бағалау және азайту, әлеуметтік теңсіздікке қарсы күрес өлшемшарттарын әзірлеу және қазақстандықтардың өмір сүру деңгейін көтеру жөніндегі шаралар кешенін көздеуге тиіс. Қазақстан Халық партиясы жобаның әзірлеу жұмыстарына қатысуға дайын. Оның жұмысына қалың жұртшылық та тартылуы керек.

Мәжілісмен Ирина Смирнова көтерген мектепке дейінгі балаларды тәрбиелейтін мекемелерді қаржыландыруды арттыру туралы мәселені де атыраулықтар маңызды деп санады. ҚХП депутаты Файзолла Қаменовтің Жұмыспен қамту жол картасының тиімділігін арттыру туралы депутаттық сауалына өңір тұрғындары да үн қосты. Ауылдық жерлерде жиі кездесетін мал ұрлығына қарсы күресті жандандыруды ұсынған депутат Ғазиз Құлахметовтің депутаттық сауалы да көпшіліктің назарын аударды.

230221 AtirauҚХП атынан сайланған депутаттардың ұсыныстары – қарапайым халықты әлеуметтік қорғауға деген ұмтылыс. Ел азаматтары да мұны байқап, түсініп отыр. «Партия дауысы» акциясы қазақстандықтарға Парламентте болып жатқан оқиғаларды назарда ұстауға мүмкіндік береді.

ҚХП Атырау облыстық комитеті

Соңғы материалдар

© 2021 Қазақстан Халық партиясы. Барлық құқықтар қорғалған.

HELIX_NO_MODULE_OFFCANVAS