fbpx

Жемқорлық қауіпті дерттен де қорқынышты Сәрсенбі, 10 Ақпан 2021 15:19

Қазақстан Халық партиясы АҚТҚ-ЖҚТБ-ның (АҚТҚ – адамның қорғаныш тапшылығы қоздырғышы, ЖҚТБ – жұқтырылған қорғаныш тапшылығының белгісі) алдын алу және емдеу жөніндегі шараларға бөлінген бюджет қаражаты тиімсіз жұмсалып, жосықсыз шенеуніктерді заңсыз байыту үшін пайдаланылуы мүмкін деп күдіктенуде.

Бұл мәселені Мәжілістің пленарлық отырысында ҚХП депутаты Ерлан Смайлов көтерді.

– Бөлінетін қаржыландыру көлеміне қарамастан, соңғы үш жылда ЖҚТБ орталықтары қолданыстағы нормативтік құжаттармен регламенттелген қызметтерді толық көлемде көрсетпеді. Өйткені қаржыландыру қолданыстағы клиникалық хаттамаларға және алдын алу іс-шараларына қажеттілікке сәйкес жергілікті бюджеттерден бөлінді, – деді депутат.

Тәжірибе көрсеткендей, кейбір дәрі-дәрмектерді сатып алудағы айырмашылық айтарлықтай өзгеруі мүмкін. Бұдан бөлек, ҚХП депутаттары Қазақстандағы Бірыңғай дистрибьютордың – «СК-Фармация» ЖШС-нің сатып алу рәсімдерін өткізуін ерекше атап өтеді. Мұнда препараттар мемлекеттік бюджет қаражатына сатып алынады.

– Халықаралық ұйымдар сатып алатын АРВ-препараттардың бағасы «СК-Фармация» ЖШС сатып алатын бағадан бірнеше есе төмен, – деді Ерлан Смайлов.

АҚТҚ-ны анықтау үшін жедел тесттерді сатып алу кезіндегі баға айырмашылығы да айтарлықтай өзгереді және кейде аймақтарда 55%-ға дейін ерекшеленеді. Депутаттық сауалға нақты деректер қоса берілді.

Өз тарапынан ҚХП жоғарыда көрсетілген фактілер бойынша бірдей препараттар мен тест-жүйелердің сатып алу бағаларындағы елеулі айырмашылықты тексеруді ұсынды. Сондай-ақ ҚР Денсаулық сақтау министрлігі мен «СК-Фармация» ЖШС тарапынан АРВ-препараттарын сатып алу процесінің толық ашықтығы мен есептілігін қамтамасыз ету керектігін жеткізді. Ұсыныстардың ішінде амбулаториялық дәрілік заттардың қазақстандық ұлттық тізілімінің шектеу тізімдерін уақтылы қалыптастыру және АРВ-препараттарымен туындайтын іркілістерді одан әрі болдырмау үшін шарттарды уақтылы жасасу туралы бағыттар да бар. Партия отандық тауар өндірушілерді қолдау шараларын қайта қарауды ұсынды.

– Сатып алу препараттың тиімділігін, сапасын, бағасын және алдын-ала біліктілігінің болуын ескере отырып, бәсекелестік негізде жүзеге асырылуы керек, – деп нақтылады халық қалаулысы.

Осы және басқа да ұсыныстар жоғарыда аталған фактілермен бірге ҚР Премьер-министрі Асқар Маминге және ҚР Бас прокуроры Ғизат Нұрдәулетовке жолданды.

ҚХП баспасөз қызметі

Соңғы материалдар

© 2021 Қазақстан Халық партиясы. Барлық құқықтар қорғалған.

HELIX_NO_MODULE_OFFCANVAS